الرئيس السيسي: "ما ينفعش الدولة تغيب تاني، لو غابت تاني، يبقى بتأجلوا التطوير 100 سنة، وأنا ما أقدرش أقبل كده، الناس هتبقى زعلانة ومتضايقة، لو مش عايزني أبقى موجود هنا ما عنديش مشكلة، مستحيل أبقى في مكان وأسيب الإصلاح بما يرضي الله".
تحدث كثيرون عن الإنجازات التي حصلت في عهد الرئيس عبد الفتاح السيسي، منوهين "بالتطوير الذي أحدثه السيسي في جميع قطاعات الدولة".
وسم #مش_عايزينك الذي كان من ضمن قائمة أكثر الوسوم انتشارا في مصر والجزائر والأردن حاصدا أكثر من 141 ألف تغريدة.
فقال رئيس حزب غد الثورة أيمن نور: "قال السيسي لو مش عايزني أمشي، وفات الرجل أن يوضح كيف يمكن أن يبدي المواطن موقفه الرافض له في ظل إلغاء الحق في التظاهر والتعبير والانتخابات الحرة وإعلام الصوت الواحد واعتقال كل من يتنفس في مصر، فكيف يمكن لمصر أن تقول للسيسي مش عايزينك؟".
أكل عيشك ومستقبل ولادك
مشكلة السيسي أنه مش فاهم ألف باء اقتصاد..هوا فاكر إن تنمية الاقتصاد بيتم عن طريق جباية أكبر أموال ممكنة من المواطنين عشان يعمر خزينة الدولة ومش فاهم إن ده أخطر حاجة ممكن الدولة تعملها في وقت الأزمات الاقتصادية..
الحكومات العالمية اتعلمت من الأزمات الاقتصادية إن أهم وأنجح علاج في ظل الأزمات الاقتصادية أنك تدي الناس فلوس مش تاخد منهم فلوس..طيب ليه؟ لإنك لما تدي الناس فلوس فالناس مش هتخاف وتخبي الفلوس تحت البلاطة وهيكون عندها قابلية انها تصرف..طيب لما الناس تبدأ تصرف يحصل ايه؟ الناس تبدأ تروح مطاعم فالمطاعم تشتغل وتتوسع وتشغل عمال وتشتري بضايع من تجار الجملة اللي هيتوسعوا ويشغلوا عمالة أكتر وبيتبع ده حركة النقل وشراء الملابس وجميع الخدمات تشتغل..وتروس الاقتصاد تبدأ تتحرك..ولما تروس الاقتصاد تتحرك وتحصل حركة هتيجي استثمارات خارجية وشركات هتنقل عندك عشان الوضع كويس وكل مفاصل الاقتصاد هتتحرك وده منطقيا هيولد ضرايب للدولة وهيملى خزينة الدولة..
في أمريكا مثلا: أكبر موظف للناس مش الحكومة ولا الشركات الكبرى..لا..أكبر موظف للناس هيا المطاعم والخدمات البسيطة اللي بتشغل عشرات الملايين من المواطنين..وعشان كده لما حصلت أزمة الكورونا: الحكومة الأمريكية أرسلت لكل مواطن أمريكي شيك بألف دولار + شيك أسبوعي لكل عاطل عن العمل عشان العاطل يفضل يصرف ويخرج وياكل بره ويشترى هدوم ويدفع ايجار وبكده يضمنوا إن تروس الاقتصاد تفضل شغالة..والشيكات اللي ادفعت للمواطنين هترجع ضرائب من حصيلة تحريك تروس الاقتصاد والكل يكسب: المواطن والدولة
ليست هناك تعليقات:
إرسال تعليق