فضحه ازدحام الجامعات المصرية كرونا
الطالب مصطفى شعلان عمل مداخلة مع وائل الابراشي بيشتكي من التكدس في كلية تجارة دمنهور. النهاردة الكلية أصدرت قرار بفصله لمدة عام.
يعني بالعربي كده يا تموت وانت ساكت يا تتفصل! ياريت كلنا ندعم قضية مصطفى عشان الظلم اللي وقع عليه ممكن أي حد فينا يقع فيه.#حق_مصطفي_شعلان".
طالب بيتفصل علشان قال كلمه حق .. علشان خاف على نفسه .. علشان خاف على أهله .. علشان خاف على زمايله وأصحابه من التكدس .. اتفصل لمجرد انه عمل مداخلة تلفزيونية بيوضح المشكلة . #حق_مصطفي_شعلان".
احنا بدأنا الدراسة متأخر ومش راضيين يحذفوا أجزاء من المناهج ومش راضيين يأجلوا الإمتحانات .. حسبي الله ونعم الوكيل #حق_مصطفي_شعلان #مش_نازلين_امتحانات_ياريس".
عنى 20 فرد يعملوا اجتماع اونلاين
و12 مليون طالب ينزلوا فى الشوارع
بالطريقة دى اقل حاجة 50 مليون إصابة كورونا
***
هل المطلوب من المواطن المصرى أن يرى الفوضى ويصمت
يتابع اختراق القانون عينى عينك ويظل ملتزمًا بالفُرجة، البعض اعتقد خطأ أن الدولة تخشى من فضح الفساد بحجة أن أعداء الوطن يقفون على الباب متربصين، وسوف يستغلون الواقعة للتشهير بنا.
أهم ما حدث فى تلك الواقعة أنها صارت (تريند) لتؤكد أن القسط الأكبر من الشباب، يمتلك همًا وطنيًا. لقد سبق فى جامعة المنصورة قبل نحو عام أن تقدم طالب لخطبة طالبة اعتبروها واقعة تغتال الوقار الجامعى وتمت أيضا معاقبة الطالب بتهديده بالفصل، السلاح الباتر بالفصل ينبغى على وزارة التعليم العالى إلغاؤه أو فى الحد الأدنى تقنينه حتى لا يتحول إلى فزاعة ترهب الجميع، وسلاح عشوائى يطلقه المسؤول فى كل الاتجاهات، بحجة الحفاظ على قيم المجتمع.
ليست هناك تعليقات:
إرسال تعليق